卓林輟學離家　龐景峰：18歲細個咗啲！

吳綺莉與囡囡吳卓林關係再起變化，卓林最近不但離家出走兼輟學，更與外籍同性密友同居。卓林的藝人好友龐景峰表示近月忙於工作，一個月未有聯絡過卓林，故不清楚她是否搬出寓所：「如果喺外國呢個年紀搬出去好正常，但喺香港18歲就細個咗啲，我咁大都冇搬出去，雖然係好想搬出去，但依家同媽咪住，好食好住，又唔使交租！（卓林有冇同你講自己嘅感情事？）以前都有講過吓，但佢唔想煩感情嘢，佢係諗住去外國讀書先。」問會否推薦卓林做藝人？龐景峰說：「佢講過唔想做幕前，但講過如果做，想試吓做幕後，佢個腦諗嘢好特別，好藝術家，成日諗啲古靈精怪嘢。」

與吳綺莉屬亞姐出身又是好友的黎淑賢，得悉卓林離家出走一事，亦表心痛，因同樣有兒子年屆18歲，感受到愛而管不到的難過。