黃翊復出開騷工作多：操肌錄音同練歌

闊別樂壇逾廿載的歌手黃翊接受電台訪問，他透露將於2018年中旬舉行演唱會：「未知場地，依家有公司傾緊，不過想搵大少少嘅場地。」他現正努力練歌及操肌：「初時以為唔使練歌，不過要唱二、三十首歌，加上又跑又跳，雖然我瘦，都要操大隻少少會精神啲，不過唔強求，演唱會最緊要唱歌。」

身為食店老闆的黃翊坦言仍有返舖頭睇檔：「工作係畀以前多，近排仲要錄音同練歌，暑假都冇時間陪仔仔，好對佢唔住。」黃翊透露兒子已經12歲，現時入讀國際學校，但中文較差。問他日如何接手其飲食生意？黃翊說：「從來冇諗過佢要接手生意，我採取自由發展，唔逼佢學呢學路。」但大讚阿仔吹色士風好淡定：「家燕姐（薛家燕）生日派對，我叫佢上台吹生日歌，佢真係好叻，一粒音都冇走。」