葉巧琳開迷你騷 搵波多野裕介幫拖

20170912
東網電視
更多新聞短片
葉巧琳開迷你音樂會。
歌手葉巧琳(Mischa)舉行迷你音樂會,邀得日籍音樂人波多野裕介彈Keyboard。受訪時她表示近來忙於到處唱歌,如日前在hmv開騷,亦有玩Busking,但暫時來說今次會是這個月最後一個騷。她謂今次邀得強勁班底合作開騷,其中波多野裕介又為她編排歌曲,她說:「佢係我識咗八年幾嘅朋友,今次知道有個騷就即刻叫佢一齊嚟玩,佢都即刻應承。(會唔會合唱?)佢會唱我首《孤單的貝多芬》幾句,佢識廣東話。」
問到可會想跟波多野裕介合作寫歌?Mischa謂之前曾與對方合作寫過一首歌,而之前其實亦有向對方邀歌,笑言:「佢嗰陣畀過我聽一首歌,但佢覺得首歌未夠好,所以未畀我住。(係幾耐之前嘅事?)一年前嘅事嚟㗎啦,到我最近再問佢,佢話唔見咗首歌,可能佢太多貨,搵唔到,希望將來可以要到首歌啦。」在旁的波多野裕介聽到即怕醜笑言:「我後悔學咗廣東話。」講到工作,Mischa透露下月會再出歌,自己都希望可以快些推出。