瘋狂練舞！JW想請黎明做嘉賓

歌手王灝兒（JW）到電台宣傳新歌，提到明年1月開處女紅館演唱會，JW坦言開始練舞：「上次演唱會有好多舞蹈員，今次想焦點落喺自己度，所以呢3個月不停練舞。（唔怕壓力大？）我決定着波鞋同赤腳跳，唔想要顧住斗零踭，排舞師已經話腳底一定起水泡。」問到富二代男友葉韋彤有冇為她按摩紓緩腳痛？JW說：「坐得耐膊頭攰都會互相按摩吓，按腳就會出去按。」

問到個唱會否邀請黎明任嘉賓？JW說：「試問過，不過佢好忙。（再追問？）我都怕醜㗎嘛，不過都想佢嚟，始終佢帶我入行亦係恩師，唔做嘉賓都嚟睇。」