關之琳晒孖辮Look　網友有讚有彈

現年54歲嘅「大美人」關之琳近期忙於拍攝內地綜藝節目《我們來了2》，之前佢喺節目入面大展嗲功，唔少網民都大叫好正。今日佢就喺社交網站上載咗新相，仲留言：「這個翠花有點眼熟！ ​​​​」相中可見關之琳以一身民族服裝上陣，再加埋個孖辮假髮，少女味十足，完全唔似年過50。唔少網民都話佢係史上最靚嘅翠花，不過亦都有人話佢呢一個造型似足一個鄉村姑娘。