米雪盲拳打死老師傅　關菊英最緊要快

無綫劇集《溏心風暴3》演員米雪、關菊英、夏雨、李司棋在將軍澳電視城為big big channel 「明星麻雀王大賽」舉行記者會，四人現場即席攻打四方城，關菊英好快手已經自摸食胡，十分好運氣。

關菊英以前經常打麻雀，最耐試過打了十幾廿十小時，但近年則較少打牌，她說：「唔係鼓吹賭博，打麻雀幾好，可以練吓腦筋，唔會咁快退化呀，可以唔打錢，當遊戲咁玩。」關菊英自謙打麻雀不算好叻，勝在快手，她笑說：「我好怕人打牌慢，自己情願打錯，都要打得快。」米雪謂9歲已經打麻雀，但她只是當遊戲玩，所以打牌也不叻，她笑說：「可能我打得慢悶親佢哋，所以我可以盲拳打死老師傅。」