東網電視
更多新聞短片

睇到現場展品,令佢哋好似親歷其景。
1/11
藝人陳嘉桓(Rose)與阮頌揚(Brian)早前到四川及西藏參加為期21天的內地旅遊節目《超級碼力》已順利完成,其中一站去到茶卡鹽湖,該地方有中國「天空之鏡」之稱,Rose很有心思地穿上紅裙跳舞,出來效果超美!她笑言去這個地方之前,特登做定資料搜集,覺得在茶卡鹽湖穿紅裙跳舞,來配合海天一色的美景,很漂亮,所以便拍下這輯照片,不少好友看過都讚靚。除了跳舞照外,Rose亦與阮頌揚模仿了俄羅斯攝影師Murad Osmann的著名照片「與女友牽手遊世界」來擺甫士,搞笑一番。
而這個行程最後一站,亦是令她與阮頌揚最感觸的一站,因節目組安排他們去一個旅程,令他們淚灑當場!而該旅程便是參觀了為紀念2008年四川八級大地震而建的「5.12汶川特大地震震中紀念館」以及被地震摧毀的小學遺址。
反思生命真諦
雖然事隔9年,但眼見一片頹垣敗瓦,伴隨着導賞員的切身分享,兩人不禁落淚,Rose更喊到收不了聲,Brian謂:「一向我都唔係易喊嘅人,但喺館內見到咁多展物,令我好似親歷其景。加上導賞員係地震生還者之一,由佢去講番點樣由一開始好絕望、埋怨、悲慟到依家變得好積極向上,熱愛生命嘅過程,令到我哋好感動,佢最後仲叮囑我哋要愛惜自己,珍惜生命。聽到呢度我就忍唔住,喊咗出嚟。因為我覺得每個人對生命嘅態度應該係咁樣!」Rose則直言一定不會忘記這21日的文化之旅,當中所體驗和學到的,對演藝事業都好有幫助,尤其是最後一站,因可以沉澱自己,反思一下生命的真諦。

佢哋去到有中國「天空之鏡」嘅茶卡鹽湖。

當然要整番張「與男友牽手遊世界」。

當導賞員叫佢哋珍惜生命嘅時候,佢哋都忍唔住喊咗出嚟!

大合照

着住紅裙翩翩起舞,效果超靚!

個景靚到Rose忍唔住selfie一番。

被地震摧毀嘅小學遺址仍舊頹垣敗瓦。

模仿俄羅斯攝影師著名照片「與女友牽手遊世界」。

導賞員係地震生還者之一。

十分震撼!