藝人袁偉豪（Benjamin）雖然有愛情嘅滋潤，不過佢都冇忘記身邊嘅一班好友。佢拉埋好友胡定欣一齊出海滑水，佢喺社交網站上載影片，留言話：「這一個算是花式表演嗎？#好好建立自己的興趣 #好好建立自己的生活 #wakesurfing P.S 其實我是新手來的，最後也能保護水樽沒有墮海。唔該 @ho_1430_」片中可見，Benjamin大晒六舊腹肌，單手拉住條繩之餘，仲伸手拎咗支水嚟飲，果然訓練有素！玩咗一陣之後，Benjamin就連人帶板沉咗落水，認真爆笑！不過最令人注目嘅都莫過於友人嘅恥笑聲，唔少網民都話Benjamin型到爆，仲話佢似賣緊廣告添！

定欣就上載咗一張身處喺海中嘅照片，定欣身穿救生衣，而且仲笑笑口咁望住鏡頭，似乎玩得好開心，佢仲留言：「今日終於鼓起勇氣作新嘗試.....」