音樂人馮穎琪（Vicky）昨晚（14日）於香港演藝學院舉行的音樂會順利完成，許廷鏗、C AllStar及Robynn & Kendy等來捧場。Vicky演唱了多首自己的作品，包括《最佳位置》及《放不低》等，又與林二汶及岑寧兒合唱《銀髮白》。鄧小巧與王嘉儀大跳貼身舞，場面誘惑，令觀眾嘩聲四起。Vicky說：「我收到好多Artist、朋友同樂迷嘅訊息，佢哋都覺得好感動，我啲歌觸碰到佢哋內心嘅秘密或者黑暗面，佢哋都喺唔同嘅點流過眼淚或者眼濕濕，好似同我經歷咗一個人生旅程，會諗自己想點樣過活，點先可以得到選擇，點樣用愛繼續行。」

她坦言很窩心，又有解脫的感覺，因為昨晚的觀眾很靜態：「當時我解構唔到佢哋覺得好唔好、明唔明，原來佢哋覺得個氣場好強，令佢哋手機都唔敢攞出嚟影相，希望靜心欣賞每一個訊息。我一路覆緊大家嘅騷後感，希望得到佢哋多啲回應。」提到騷後與嘉賓及樂手交流，她發現大家都很緊張：「雖然個騷規模唔大，但成個設計、概念、舞台效果拼出嚟個張力好大，大家都好似要屏息去完成，將佢哋最深嘅感受投入個騷。」她指不同階段認識的朋友都在這晚重遇，一起做一件很有靈魂的事。