抗癌療程失聲！馬浚偉代李明蔚宣傳新歌

藝人馬浚偉到電台受訪，為抗癌歌手李明蔚（Sarena）宣傳歌曲《交換愛情》：「我媽媽同妹妹都有Cancer，所以好明白嗰種感覺。我覺得Sarena幾有才華，不過佢依家淨係錄咗一首歌，我哋公司就同佢出Single。」

馬浚偉讚她很純真，又透露對方錄音時已接受過療程：「佢做過4次電療同30幾次化療，對聲帶同鼻腔都有影響，要重新練習點樣運用發聲嘅位置，經歷咗好長時間。」

馬浚偉指二人早前在醫院首次見面：「佢喉嚨開咗個窿，講唔到嘢，我哋寫板仔溝通。依家佢出咗院，就等封番喉嚨，再慢慢練番講嘢。」他坦言在對方身上看到希望，她即使遇到疾病仍然樂觀和勇敢面對：「我話就算他日佢唱唔到，都可以作曲、填詞，音樂唔會離開佢。佢同意，但都叫我等佢練番好把聲，自己做訪問。」問到會否簽新人？他表示要仔細考慮，因為要對新人的前途負責任：「但係我應承咗Sarena，佢好番我就簽佢，幫佢出唱片，Manage佢嘅工作。」