銀婚紀念！歡喜哥一家三口晒幸福

「歡喜哥」許紹雄演技精湛，充滿幽默感，係搞笑高手，佢擁有不同年齡層嘅粉絲，真係唔輸蝕畀一班後生年輕偶像。依家無綫就播緊佢有份演出嘅劇集《使徒行者2》，大家又可以睇到「歡喜哥（覃歡喜）」嘅生鬼演出喇！其實戲劇人生嘅背後都有正經嘅一面，真係充滿男人味，好Man㗎！

許紹雄1992年結婚，今年就係佢同太太結婚25周年「銀婚」紀念。佢喺社交網上載咗同太太、女兒嘅合照，見到三人面前有個結婚周年紀念蛋糕，一家三口好溫馨，單看張相都感受到愛同幸福，許紹雄簡單留言「銀婚快樂」，一切盡在不言中。而許紹雄女兒已經長得亭亭玉立，漂亮可人，顏值相當之高！

阿女新加坡讀大學

東網致電許紹雄，他表示今次專程飛到新加坡會合太太和女兒許偉晴，一家人齊齊慶祝。問許紹雄給太太甚麼驚喜﹖他說：「冇呀，食餐飯囉，最驚喜咪就係我記得囉，哈哈。好耐都冇慶祝結婚紀念，因為好多時記得已經過咗，所以今年已經好驚。」許紹雄透露特別買了香水送給太太。

許紹雄的女兒許偉晴已經20歲，正於新加坡讀大學，尚有一年就大學畢業，網民激讚她夠索，有條件入行發展。問到許紹雄他的女兒可有與趣加入娛樂圈，他說：「唔會，佢對娛樂圈冇興趣，個女依傢讀緊大學，仲有一年先畢業。」