《AGT》決賽Evie為亡父表演場面感人

美國才藝比賽真人騷《全美一叮》（America's Got Talent）舉行決賽，13歲「鋼琴少女」Evie Clair的病重父親上周離世，今次她沒有彈琴，只是站立獻唱Louis Armstrong名曲《What A Wonderful World》，編曲還改成傷感Feel。

4名評判站立致敬，Howie Mandel大讚：「我想講我哋向你送上心意，我知你爸爸今個禮拜過身，呢個係你嘅黑暗時刻，但要希望同祈求隧道最後會有光明，你嘅聲音、你嘅歌曲同你嘅存在就係嗰道光。」Mel B大讚：「首先，你今晚好靚。我知道你爸爸係天上睇到你都會好驕傲，你唱得好純真同好真摰。」

Heidi Klum大讚：「我想像唔到你同你屋企人依家經歷嘅嘢，但你係一個勇敢嘅後生女，係一個好正嘅歌手，我祝你今晚好運。」Simon Cowell大讚：「我唔會去評論你，我同你講，我好尊敬你，呢個係對你爸爸最完美嘅致敬，你聽到全場靜晒，就知道大家都認真聽緊。你既聲音好美麗，我為你自豪。」