莎蓮迪安留言邀請Celine做演唱會嘉賓

9歲「香港小巨肺」譚芷昀（Celine）上星期在《全美一叮》（America's Got Talent）準決賽中出局無緣爭冠軍，Celine偶像加拿大靚聲天后莎蓮迪安（Celine Dion）昨日在社交網留言鼓勵Celine妹妹，並邀請她做演唱會嘉賓！她說：「恭喜！你喺《全》表現得好好！如果你同家人去開拉斯維加斯我樂意邀請你做我個騷嘅表演嘉賓！」上星期Celine在社交網曾留言表示希望有日能與莎蓮迪安合唱。

而Celine剛剛亦在社交網留言說：「讚美主！我實在唔能夠相信！！！我嘅夢成真！！多謝我嘅偶像Celine Dion回應我並邀請我去佢喺拉斯維加斯個騷！！my heart will go on with you forever！莫講話我幾時真係飛過嚟見你與同你在台上唱歌...Wow！剩係你畀我嘅留言已經令我唔能夠停止尖叫數日，lol。獻畀我所有擁有夢想嘅fans，追逐並達到夢想，而最重要就係...當你相信你就會做到！！！」