邱晴18歲晒母女合照　激似兩姊妹！

今屆香港小姐真係話題多多，不過除咗冠、亞、季軍外，相信大家都仲記得有位17歲嘅佳麗邱晴，賽前好多人都讚佢青春活潑笑容可恭，樣貌標緻但可惜同獎項無緣！唔經唔覺，邱晴大個女18歲喇！

佢喺社交網上載咗兩張同媽咪嘅合照，仲留言多謝媽咪18年前帶佢嚟到呢個世界，佢留言話「18年前的這段時間 辛苦你了媽咪我愛你1999.09.14」。睇番張合照，橫睇掂睇佢哋兩個似兩姊妹多過兩母女！邱媽媽長得美人胚子，眼仔大大，輪廓分明，真係有其母必有其女，邱晴盡得真傳，兩個仲着住露膊裝上陣成對孖妹咁，有網民話不如兩母女一齊殺入娛樂圈發展添。