掛住做湊仔公　陳豪冇追《使徒2》

藝人陳豪接受電台訪問，講到他有份演出的劇集《使徒行者2》熱播，但他笑言未有時間捧自己場，因該段時間要湊仔比較忙。講到頭兩集播出已有不少角色要死，陳豪笑謂：「咁咪好囉，快囉，爽囉，節奏分明唔拖泥帶水，故事又簡單明快觀眾會鍾意。」

被問到《使2》是與內地的合拍劇，內地會先播10集會否擔心對香港收視有影響，陳豪稱不會擔心，因只有內地觀眾先看到。至於現他和老婆陳茵媺雖然忙，但好享受做湊仔角色，而在家中都很少看電視，覺得小朋友童年很珍貴，應多珍惜相處機會。雖然照顧小朋友辛苦，他稱與老婆陳茵媺仍在學習階段。問到他想自己做「虎爸」還是老婆當「虎媽」，他笑謂湊仔唔夠老婆叻，所以都係睇老婆頭。