張繼聰要黐靚仔嫌棄林盛斌

藝人張繼聰、周柏豪、林敏驄、雨僑、連詩雅及鄭欣宜等，到尖沙咀出席電影《西謊極落﹕太爆．太子．太空艙》慶功宴，電影公司宣布《西》片香港票房已達810萬，內地票房口碑佳，有份投資的蕭定一揚言：「毫無懸念會開拍續集！」

張繼聰表示希望再次合作，他說：「周柏豪鏡頭後都好有喜劇細胞，不過佢個角色要靚靚仔仔，先交畀我哋去瘋狂搞笑，仲有蔡瀚億都係靚仔，我覺得我哋五個幾似八十年代電影裏面嘅五福星，高矮肥瘦樣樣齊，我梗係唔會話係我係屬於阿Bob（林盛斌）嗰邊，梗係黐靚仔嗰邊！（周柏豪話如果票房過千萬，阿Bob表演掌摑林敏驄？）拍嗰陣佢哋已經摑來摑去，不過呢套戲係合作得開心嘅！」