唔做麻煩奶奶 薛家燕激讚未來新抱抵錫

20170922
東網電視
更多新聞短片
今次拍劇,薛家燕話有好大嘅啟發。
無綫藝員薛家燕在劇集《燦爛的外母》中飾演麻煩外母,戲中與女婿黎諾懿鬥爭一番鬧出笑話,但後來又因事故令家人團結,笑中有淚。薛家燕快將娶新抱做奶奶,今次拍攝關於與外母與女婿間的衝突,對於將要面對婆媳關係的她亦有啟發,薛家燕說:「今次角色係反面教材,睇完劇大家會知道點樣可以家和萬事興,退一步可以減少好多家庭問題,諗嘢唔好鑽牛角尖。」薛家燕又指與未來新抱相處得好好,大讚未來新抱仔抵錫,她說:「最緊要用個心去錫對方,未來新抱好乖,喺我拍劇期間好窩心煲湯畀我飲,又提我嗰仔幫我買散熱貼,好細心。佢Daddy、媽咪教得好好,好抵錫。」
激動鬧人心口痛
薛家燕角色因要管理荳品廠,不時要提起中氣鬧人,加上天氣酷熱拍攝時中暑病足一星期,今次拍攝過程相當辛苦。難怪薛家燕笑謂要休息一年才考慮再拍劇,她笑說:「角色好惡要提起丹田氣去講對白、鬧人好攰,拍三四個鏡頭拍到面紅耳熱,鬧人原來咁辛苦,要用中氣嗌出嚟先似。鬧完人返屋企都心口痛,可能激動過頭、太投入,翳住翳住咁,當時都諗使唔使去睇吓個心臟呢,好彩休息之後又冇事。」