隔空耍花槍！黃心穎屈馬國明畀好Comment

藝人黃心穎在馬鞍山出席無綫劇《雜警奇兵》宣傳活動，提到劇集只在星期日播兩小時，問會否擔心收視，心穎BB即指此安排其實有好處：「賺咗啦，連續喺九至十二月都見到我，做到『哎吔台慶劇』！」

講到戲中她一度以箍牙兼滿面粒粒造型亮相，她表示劇集反應好會以該造型出活動，又笑指沒有問過緋聞男友馬國明是否喜歡該造型：「我話係可愛就可愛！其實個樣都接近我細個時個樣！」問有否向馬國明騷過兒時照，她表示有：「都係好嘅Comment，佢夠膽畀唔好嘅Comment？（睇過馬國明兒時照？）睇過幾張。（天然呆？）啲相佢唔係笑嘅，都係呆呆哋咁。」