杏兒爆響口！黃智雯否認同男友好事近

藝人黃智雯（Mandy）和黃智賢在馬鞍山為無綫劇《雜警奇兵》宣傳，玩遊戲期間Mandy就慘被大隻佬鄭健樂箍頸，露出痛苦表情。提到劇集只在星期日播出，問會否擔心收視，黃智賢就指劇集題材合家歡，好適合一家大細在星期日收睇。

提到好友胡杏兒爆「胡說八道會」有成員好事近，疑指Mandy或姚子羚快將結婚，黃智賢謂：「我準備好人情喇！」Mandy則否認快將與男友拉埋天窗：「係杏兒比我哋更加心急，驚我嫁唔出㗎！」她不但指人生大事會隨遇而安，更謂近半年開始想洗走事業上的傻氣。問Mandy是否好重事業心，她即望望自己心口：「咁當然啦！想喺演戲方面追求更多！（會否怕嚇怕男友唔敢求婚？）唔怕，我哋有共識，佢都知我想呢段時間學多啲、吸收多啲。（目標幾歲結婚？）喂呀，我唔知呀！」黃智賢則指若對方是愛錫Mandy會尊重她：「佢會尊重你嘅事業心同事業線！」