周身唔舒服　GaGa喊晒驚生唔到BB

31歲樂壇天后Lady GaGa嘅紀錄片《女神卡卡：五呎二吋》（Gaga: Five Foot Two）日前推出，繼公開回應同天后麥當娜（Madonna）不和事件之後，現時再真情流露話擔心未來冇得做媽媽。

紀錄片中播出GaGa因難抵痛症折磨要找按摩師幫手按摩紓緩痛楚，加上2013年她曾接受髖骨手術，想起自己健康狀況不禁流淚：「我直程唔知道生BB會係點，我諗我可以懷孕，不過我唔知，唔知我嘅髖骨會點，我真係唔X知。」

另外，GaGa亦有喊晒講每逢事業攀上高峰，感情方面總會受打擊，跟另一半分手：「我可以為超級碗演出感到好興奮，不過我總係想起當我賣出1000萬張專輯，我失去Matt Williams，我賣出3000萬張，我失去Luc Carl，我接到部戲，我失去Taylor。這已是我第3次心碎。」