熱辣辣拍劇！簡淑兒畀洪永城搞到暈

藝人簡淑兒（Jessica）出席天水圍的商場活動，不過她遇上塞車搞到姍姍來遲，在台上演唱時，又因聽不到音樂要重唱多次，Jessica事後坦言因聽不清楚音樂。

Jessica透露早前返內地拍劇集《大帥哥》兩個月，現在拍畢回港，她指當地氣溫高達40度，熱到動也不想動！問到可有熱到想暈？Jessica說：「有一場戲係講Tony（洪永城）抱住我走前又走後，拍咗十幾個take，Tony突然暈一暈，我就好似變咗日本敲鐘嗰條橫柱一樣，佢將我個頭撞咗埋牆，然後一齊跌低，我嗰刻真係暈咗暈，Tony都好驚，問我有冇事？啲工作人員都衝晒過嚟。」Jessica笑言撞到頭頂瘀了「起咗樓」。問到Tony可有承諾養一世？她笑謂：「我有話如果有乜事，頭頂層樓要佢供！」講到Tony單身，是否符合她的擇偶條件？Jessica說：「佢太多女fans啦，太多人鍾意佢，我唔鍾意爭呀！」