被封「最強Body」嘅無綫咪神黃文意（Mandy），雖然擁有得天獨厚嘅36D豐滿上圍，但佢務求上鏡更加好睇，故早前進行地獄式減肥。Mandy瘋狂做運動又戒口，雙管齊下終於有成果，收身成功嘅佢最近以三點式上陣玩水，自信大騷弗爆身材，相當惹火。

Mandy接受東網訪問時，問到佢依家身形咁弗，會唔會多咗異性約佢出街？Mandy笑言：「我暫時唔覺多咗喎，好似我今次去玩水，都係自己一個人去咋！（有冇男士偷望你？）咁我又冇留意，因為自己掛住曬太陽同睇書。反而我有?仔，不過係?小朋友，嗰日好多爸爸帶小朋友嚟玩水，本身我好鍾意小朋友，佢哋真係好得意，所以都有同佢哋一齊玩。」