澄清未會結婚　黃智雯自認有傻福

藝人黃智雯等到尖沙咀，出席無綫劇集《雜警奇兵》首播飯局。受訪時，黃智雯表示：「我喺劇中飾演大肚婆，可能有觀眾睇完，會覺得大肚婆可唔可以做到呢啲動作呀？又飛車又追賊，但現實中我都見過有啲大肚婆身手敏捷，當然有啲都比較係冇咁靈活，現實唔一定絕對冇可能！」

提到胡杏兒早前爆「胡說八道」姊妹中將有喜事，黃智雯再三澄清：「唔係我結婚呀！純粹係我哋有幾個姊妹都未嫁，杏兒佢哋怕我鈍，嫁唔出啫！（姊妹唔抵得你男友畀晒訊息想娶你，你鈍到feel唔到？）我覺得傻人都有傻福啫！不過我哋有共識，未有呢個打算，順其自然！」