呻演員難做！周秀娜食草減肥瘦到見骨

藝人周秀娜（Chrissie）近日就去咗峇里島度假，日前仲喺網上同大家分享去釣魚嘅相，但就被網友紛紛討論佢嘅身材，話Chrissie太瘦喇，瘦到見骨呀！Chrissie見到一班網友對佢嘅身體狀況議論紛紛，今日Chrissie就喺社交網發文指自己身體冇事，仲話只係早前為咗拍戲先減重，亦因而食得好清淡：「前段時間為了拍戲才辛苦減重，現在被大家嫌太瘦。 。 。想想那些吃草的日子，好憂～做個演員不容易，我還是繼續釣我的魚吧～#巴厘（峇里）島休假# 你們說我是不是太瘦了!」似乎網友都覺得Chrissie依家真係太瘦喇，佢哋都留言叫佢喺呢個trip食多啲嘢增肥，仲話有啲肉哋先好睇呀！