梁家輝畀「女神」高圓圓迷

影星梁家輝和高圓圓在惠州出席麥浚龍執導的新戲記者會。台上，兩人就指今次合作並非他們首次見面，梁家輝補充時便表示首次見到女方是在一個拍賣會而對方就正正坐他旁邊，更笑指當時不敢正視對方。而高圓圓就最記得當時着得少布，梁家輝見到便立即除低西裝讓她披住，雖然有淡淡的煙味但非常溫暖。梁家輝之後更直言與對方對戲時被她的「女神」氣質迷住，向對方笠高帽。

化爛面妝拍戲

訪問時，提到高圓圓在戲中以廣東話演出，她即笑謂：「辛苦梁家輝要聽！（佢教？）另外有廣東話老師。」梁家輝則大讚勤力。問到高圓圓最「女神」之處時，梁家輝謂：「神級嘅嘢好難用文字形容，可能我才疏學淺，總之佢作為一個女仔，佢係神！」當講到其爛面妝，梁家輝就透露每次要用三個半鐘上妝，落妝時又要用一個鐘，所以辛苦了一班化妝師。」至於在夏天拍着大褸落雪戲，連同劇的劉青雲都呻辛苦，梁家輝則笑謂：「冇嘢係難到我嘅！」

大讚麥浚龍

提到今次首次與麥浚龍合作，梁家輝直言感動：「好難得香港有個咁成熟嘅新導演，未來嘅香港電影有救喇！香港電影之所以衰落，係因為冇第二梯隊，喺黃金時期冇畀機會第二梯隊上嚟。」又高圓圓則大讚導演既謙虛又充滿力量。