兩位影帝劉青雲、梁家輝與衛詩雅和姜珮瑤在惠州出席麥浚龍執導的新戲記者會。劉青雲在台上表示當初知道自己着大毛衣，以為要到哈爾濱開戲，誰不知拍攝地點到夏天的惠州及香港，又笑指麥浚龍與以往合作過的導演不一樣，常有好不同的想法，令他「傻掉」。

訪問時，劉青雲坦言自己多槍戰等動作場片：「過兩日都會拍百貨公司槍戰場面。（同麥浚龍合作成點？）佢好清楚套戲係點，因為個劇本都係佢寫。（你話自己傻掉？）其實係好有驚喜，佢思維同其他人好唔同，有獨特嘅要求同堅持。（嚴格？）佢係一個善良嘅導演。（你可唔可以改嘢？）其實都有得傾嘅，佢都會接受你意見，但最後佢都係堅持自己嘅睇法。」