婚姻危機！王浩信強調同陳自瑤冇分居
20170930
東網電視
更多新聞短片
王浩信強調冇同太太陳自瑤分居。
藝人王浩信被指與太太陳自瑤的婚姻出現危機，傳言指浩信因為與女拍檔單獨約會，令陳自瑤難以容忍令關係急轉直下，夫妻二人目前已分居。
浩信被問到婚變即表示：「勁無奈！因為我收到消息嗰陣好多傳媒都問我咩事，我上次都出過同類型新聞，我已經回應咗，我又諗緊過兩日又有活動，所以今日同大家講一次啦，費事又拎番出嚟，我講完又好似廢話一樣，我同太太一啲事都冇，可以放心，冇分居，一直住喺度，鄰居都知，希望大家畀番空間我，唔好成日咁講，小朋友都開始大，影響佢成長環境，小朋友成長好緊張，真係冇事，今次講完唔同再回應，唔好再亂講。」問有沒有做過對唔住老婆的事？他誓神劈願說：「完全冇！唯一係冇時間陪佢！」
另外，陳自瑤終於蒲頭，在社交網上載新相，當中只提及到美容心得，內文沒有提到老公王浩信，但王浩信都有即時畀Like，證兩人情未變！
----------------------------
東網巨星開咗ig喇，大家快啲follow啦！