加國同男友玩Live　雷莊?聞結婚耍太極

應屆港姐冠軍雷莊?（Juliette）早前飽受網民抨擊，EQ高嘅佢一直懶理負評，完全冇受影響，仲成日心情靚爆喺網上玩直播。最近Juliette就飛到加拿大探望牙醫男友，仲拉埋對方齊齊玩直播放閃！

直播中，Juliette孖住男友出鏡，佢哋全程講英文之餘，偶爾亦有晒流利法文，原來Juliette男友唔識講廣東話，為咗遷咗佢先講英文咋，相當貼心！問到男友對香港嘅印象，佢話好鍾意食點心，但唔滿意香港好少樹木，Juliette亦指日後有機會就帶男友嚟香港玩。

期間，Juliette與男友不時情深對望，講得興起仲旁若無人咁玩頭貼頭，真係好鬼冤氣！難怪唔少網民都趁機「催婚」，不過Juliette就耍太極，笑言結婚係由男仔決定，因為係佢哋負責做求婚嘅動作。亦有網民大讚Juliette男友好靚仔、星味十足，Juliette亦冧爆講咗句「I think so（我同意）」。

最後Juliette預告自己就快返香港，用英文話：「我就快返香港，男友會好唔捨得我。」佢仲喺社交網上載咗一張瞓喺男友手臂嘅自拍照，睇嚟佢都好唔捨得男友喎！