唔係放閃Style 王浩信：有錢分居不如買樓
20170930
東網電視
更多新聞短片
王浩信話有錢分居，不如拎啲錢去買樓，佢又啱喎！
傳有婚姻危機嘅王浩信接受東網巨星fb直播出嚟拆彈。講到同太太陳自瑤因生B未有共識而出現婚變，佢話：「生BB我有時拎出嚟講，係因為我鍾意小朋友，但生BB咁小嘅事，都唔希望畀到壓力任何人，生BB係應該要有計劃，大家都忙緊，唔係一個啱嘅時候。（有冇諗點解成日被指婚變？）當然啦！可能我哋比較少合照、一齊出公開活動，令啲人見到某些字眼就做揣測，我覺得每個人都有自己Style，我哋唔係成日拎屋企人出嚟講嘅人，唔係同大家分享嘅Style，今次都再講一次，我哋完全冇問題，希望大家畀空間。」
陳自瑤會出嚟回應？佢話：「我今次出嚟都唔想再講咁多喇！希望佢專心做嘢，我哋係冇問題，大家仲講咩呢？依家一齊諗緊點去拎囡囡有更好嘅成長同學習環境，所有有家庭嘅朋友都理解我。（冇對唔住太太？）梗係冇啦！唯一做得差係冇時間陪屋企，因為工作。（從來冇搬走？）有錢分居都買咗樓住啦！之前都可能會笑笑口回應，今次真係好認真答一次，希望大家畀空間我哋。」活動後，王浩信即回到與妻兒同住的將軍澳的寓所。
----------------------------
東網巨星開咗ig喇，大家快啲follow啦！