一人一啖!心穎代馬國明收月餅嗌唔識分

20170930
東網電視
更多新聞短片
陳敏之(左下)送月餅畀黃心穎,但個上款係聯名馬國明喎!!!
無綫小花黃心穎同男神馬國明發展穩定,雖然佢哋一直未有認愛,但已經係公認嘅一對,就連索腿天后陳敏之都係咁諗㗎!事關心穎BB今日喺社交網晒出敏之所送嘅月餅,但月餅盒上寫明係送畀心穎BB同馬國明,明晒啦!睇嚟敏之同大家都一樣,想佢哋快啲公開戀情喎!
不過,心穎BB就頭都大晒,唔知點樣分盒月餅畀馬國明,仲無奈地留言話:「Thank you 靚媽敏之,但係點分呀?#果然結左(咗)婚係慳家d(啲)呀」眼見心穎BB咁愁,唔少網民都諸葛亮上身,瘋狂獻計畀心穎BB,有網友突破盲點話「一人一啖」咁咪分得晒囉!敏之都玩埋一份,留言話:「你餵佢食啦!甜好多㗎!」