【皺晒眉頭閃人】宋熙年嫌陳智燊「臭」

藝人陳智燊（Jason）同宋熙年上年拉埋天窗，由婚前婚後都係咁恩愛！早前佢哋仲踩入YouTuber界開始拍片，實行「夫妻檔」齊齊上！呢日，陳智燊喺微博上載咗一段自拍短片，並留言：「廣州一日遊，第一次去，其實都幾正。」原來佢哋兩公婆之前去廣州玩，見佢哋食足成日，食完點心又掃街邊小食，認真貼地！

陳智燊仲大歎臭豆腐，不過宋熙年就唔欣賞，皆因佢一試食已經皺眉頭，之後仲用手掩鼻，睇嚟唔鍾意呢陣獨有嘅臭味，身邊嘅陳智燊仲掛住偷笑唔救老婆，曳曳豬呀！