落泊歌手捱出頭 曹永廉騷接騷人氣超高

20171004
東網電視
更多新聞短片
曹永廉最近騷接騷可以話係人氣超勁!
終於捱出頭的曹永廉近年演出不少無綫劇集,又有不少廣告、登台及商演機會,本月將到美國三藩市及拉斯維加斯登台,隨即又會與薛家燕和湯寶如等飛到雲頂,騷接騷冇停手!獎項方面,曹永廉去年憑《公公出宮》奪無綫頒獎禮的「最佳男配角」,又在《星和無綫電視大獎2016》奪「我最愛TVB男配角」,今年亦有份提名《星和》「我最愛TVB男角色」。
成名背後,曹永廉捱過不少苦頭,1994年以歌手身份出道的他出了三張專輯後不獲唱片公司續約,幾番轉折才加入無綫。但他做歌手期間收入太少,花光積蓄並欠下十幾萬卡數,幸好加入無綫不久被安排拍攝《妙手仁心2》,兼與邵美琪「情侶檔」登台,他表示邵美琪其實不喜歡登台,知道他的經濟情況後,即拍住上登台,令他很快還清卡數。近年曹永廉「升呢」做茶餐廳及火鍋店老闆,又與洪天明及唐文龍等搞美容用品生意。
而曹永廉日前亦獲旅行社邀請,隨團出發到東莞登台及擔任特別嘉賓,他甫現身即引起哄動,令他「受寵若驚」。談到當時情況,他笑說﹕「一落台就俾百幾二日人圍住,好多嬸嬸走埋嚟摸住我磈面,當正我係仔咁,可見電視劇集同《流行經典50年》嘅威力真係好勁!」
年尾將至,阿廉感恩今年工作不斷,而月內新一輯《流行經典50年》會開始錄影,而11月尾他將夥拍老友黃智賢開拍新劇,對於今次能夠寓工作於聚舊,阿廉笑謂﹕「諗番上嚟,我入行就識得佢,大家廿幾年朋友,相信會好有默契,都幾期待今次嘅合作。」