42歲林志玲晒床照　口張開玩露肩勁誘人

台灣女星林志玲雖然已經42歲，但外表依然少女，仲擁有一把可愛娃娃音！今日志玲喺微博上載幾張床照，雖然睇相就聽唔到佢把靚聲，但就有靚樣睇，而且表情動作仲好誘人添！

睇相見到志玲用張被包住自己個身體兼且口擘擘，似係啱啱瞓醒，另外兩張相就瞓喺度，隱約見到佢着住件性感吊帶睡衣，仲露出白滑靚膊，真係好迷人，佢風騷留言話：「早上好！假期結束了～收心回到工作崗位了吗？」