同徐肇平做Couple　陳國邦唔隨便教戲

ViuTV在九龍灣展貿中心舉行2018年節目發布會，包括由陳國邦、陳漢娜、吳肇軒、6號@RubberBand、楊偲泳及徐肇平主演的劇集《身後事務所》，劇中陳漢娜飾演女同性戀者，陳國邦與徐肇平則演同性couple，劇情夠晒爆！陳國邦說：「基本上兩公婆應有嘅戲份都有出現。」肇平則說：「我已經第三次演同性戀者，所以都唔係好難，其實幾個月前，我知道有呢個角色，我媽咪（黃淑儀）知道係同阿邦演一對，即刻叫我要接！」劇中陳國邦是前輩級演員，台上司儀問他有否教後輩演戲？他即認真地站起身說：「唔好因為資歷深就隨便教人，每個人都有自己創作，所以應該盡量少出聲。」獲得全場掌聲。

至於曾在電影演古天樂女兒的陳漢娜第一次拍劇就演女同性戀者，她表示跟一位女演員有錫面戲，問能否接受更激？她說：「可以，再親熱啲都ok，意識大膽冇問題，只要唔裸露就得。（第一次拍劇感想？）同電影好唔同，因為好多要跳拍嘅戲份，個腦要轉得好快。」講到跟陳國邦有不少對手戲，她表示獲益良多：「我講對白有時會食咗啲字，佢會提點我，但又會令大家都好輕鬆，唔會有壓力。」

----------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/f5rNJ1