陳奕迅打住喊露扮黎明　網友彈唔尊重

歌神陳奕迅（Eason）早前亮相ViuTV節目《吹臣》，與一眾節目主持鬥吹水，期間燒到黎明嗰疊，Eason笑言試過在卡拉OK唱黎明的歌曲《Sugar in the marmalade》：「我真係唱唔到！（即場試下？）我真係試過，唔得！唔work，我唱慢歌ok，快歌唔得。」期間主持起哄叫他示範，Eason笑說：「如果我要模仿黎生，我就一路打呵欠，一邊唱就得，因為你打住呵欠唱，我唔示範好似仲亂。」Eason都有略為示範個tone，並打住喊露唱了一句充滿鼻音的「我有說話未曾講」，引得全場大笑。

不過節目播出後引來網友議論紛紛，有人覺得Eason及主持冇理黎明感受，覺得他們不尊重，亦有人覺得只是技術性討論，根本不是在寸黎明。