《韓薦》：鄭麗媛相隔兩年再拍劇做「魔女」

又到新一集《韓薦》啦！今集會為大家介紹鄭麗媛同埋尹賢旻主演嘅新劇《魔女的法庭》，兩人喺劇中性格好似火星撞地球咁，但又要合力查案，相信會擦出唔少火花，而鄭麗媛已經兩年冇拍電視劇，鍾意睇佢做戲嘅觀眾一定要留意啦！仲會介紹幾位實力派演員趙震雄、宋承憲、李政宰同鄭進永合演嘅一部新片《隊長金昌洙》，想了解更多韓國歷史嘅人就最啱。

另外，人氣男團Super Junior準備回歸樂壇，仲喺V App推出真人騷節目《SJ Returns》公開準備過程，而東方神起最近就上《Happy Together 3》，仲分享當兵期間嘅爆笑事，大家千祈唔好錯過今集《韓薦》啦！