開婚前派對！陳嘉寶變身美少女戰士

藝人陳嘉寶11月25日就會舉行婚禮，今日就同一班朋友搞番個婚前派對，好姊妹賴慰玲IG Story上載現場影片，現場仲見到陳凱琳添，賴慰玲仲好搞鬼喺片上面寫住：「好嘈！個個都爭住影人裙底」勁爆笑！

呢個婚前派對不得了喇，以美少女戰士做主題，見到陳嘉寶美少女轉身變，真係會變成戰士！現場仲見到禮服幪面俠添，唔知邊個扮嘅呢？而其他美少女戰士就係舉機拍嘢，玩得好開心！另外，同場嘅蔡穎恩都喺IG晒咗好多相！

教做蠱惑人妻

賴慰玲接受東網訪問，佢話大家玩得好開心，但自己因懷孕腹大便便未有Cosplay，只係着上美少女圖案睡衣到場：「佢哋扮咗好耐美少女戰士，又不斷扮變身，但好多時間都係Girls' Talk，我哋傾偈，我主要功用係教佢做一個蠱惑人妻！（點蠱惑法？）要識得氹佢未來老公開心，對方開心，自然又會氹佢開心囉！我哋都不斷祝福佢，希望佢可以早啲有BB。」