補飛都要做！吳若希逼Alex快啲求婚

吳若希（Jinny）與老公Alex（何兆鴻）今日下午簽字註冊結婚，雖然沒有任何鋪張儀式，甚至冇諗過大排筵席，但晚上Jinny跟老公與一班圈外好友就去銅鑼灣擦蟹慶祝，戴了口罩現身的Jinny跟老公繼續晒恩愛，兩人拖到實，心情靚到爆，對記者恭喜她，隔住個口罩都聽到Jinny哈哈的笑聲，雖然兩人已結婚，但Alex至今仍未向Jinny求婚，問到Alex打算拖到幾時，他尷尬笑說：「我一定會還。」Jinny在旁邊勁笑說：「快啲逼佢！」

而Jinny老友Kellyjackie也有出席晚宴，她身旁有位男士疑是她男友，她笑說：「你有好多嘢可以寫，又唔使寫啲咁嘅嘢，主角係佢哋。」隨即否認對方是男友。