森美「裸」浸溫泉　搶高海寧黃心穎鏡

藝人森美出席香港網球公開賽「粉紅日」，他表示乳癌是女性頭號殺手，亦有呼籲身邊女士檢查身體。森美表示除了關心太太之外，亦有關心好友小儀：「以我所知醫生話40歲以上就要檢查，但依家好多案例40歲前都會發生，我作為Uncle都有叫埋30歲嘅西瓜去檢查，我哋好熟就唔會尷尬。」他表示男士亦有機會患上乳癌，認為很多抗癌鬥士可能會心力交瘁，很值得去支持。

森美表示剛拍完由他主持的節目《森美旅行團》，將於10月30日播出，他笑言在節目中做到人生一大成功，在黃心穎及高海寧齊齊浸溫泉的情況下成功搶鏡：「我浸浸吓嗰時就畀人拎走條毛巾『裸』，即成為熱話，好多人問我入面有冇着，導演就幫我整咗個禁字，我為咗搶兩個女神鏡頭會不擇手段。（犧牲唔少？）我冇，睇到嗰個犧牲多啲，我堅持日本人浸溫泉習慣。」