周麗淇冧爆有小情人　邊個嚟㗎？

藝人周麗淇在尖沙咀出席活動，最近為無綫到布拉格拍攝劇集《再創世紀》回港的她表示外景拍攝已經完成，現在於香港拍攝直到年底煞科，但緊接要到內地拍劇綜藝節目。問到拍攝《再創世紀》可會令她收入減少？周麗淇說：「唔會，因為呢套都係合拍劇，依家做嘢都係中港兩邊大中華地區。」

周麗淇忙過不停豈不是沒有時間拍拖？她笑說：「依家咪同劇中同事見面最多，冇喇！順其自然，今年都好少時間喺香港。（唔想拍拖？）想㗎，坦白講想㗎，隨緣啦。不過，我都有小情人（家姐周汶錡兒子Jacques），我啜到佢呢，要同我嘴對嘴。（有冇見過蔡卓妍男友？）睇過相，未見真人，等佢開心吓先。（叫蔡卓妍介紹男友？）冇講呢啲，等佢拍吓拖先，呢排都少見，我又忙，佢又公私兩忙啦，都係講吓電話，唔打搞佢咁多，希望佢好快再有好消話畀我知。」