為咗照顧愛兒　菅野放棄揸車寧願迫電車

40歲日本女星菅野美穗，於2015年為日劇天王老公堺雅人誕下一子，兩人為了養育愛兒花盡心機，早前便有報道指月花1萬元，送兒子到培養天才兒童的精英幼兒園學習，該幼兒園保證會讓孩子在3歲前「IQ超過140」。而菅野為了親子關係，放棄駕車接載BB轉搭交通工具。

菅野昨晚亮相綜藝節目《A-Studio》接受笑福亭鶴瓶訪問，自爆BB出世後生活上都改變不少，好似產子後因往大阪9個月拍攝NHK劇集《別嬪小姐》，她為了餵母乳，帶住BB搭新幹線往來大阪及東京兩地。而出街則不再駕車寧願抱B迫電車，原因是駕車時，兒子坐在BB席後會不停喊，搞到她唔可以專心駕車，而且BB鍾意搭電車同巴士，坐車嗰陣仲可以同佢玩。菅野仲話雖然生B後都有拍劇，但拍戲個陣成日掛住個仔，心態都唔同咗。