【閨蜜睡房】Aka自爆覺覺豬唔着內衣褲

東網巨星炮製的節目「海馬牌床褥特約」《閨蜜睡房》，每逢星期五、六、日更新一集，今集有組合Super Girls隊長Aka同大家分享閨房小秘密。在主持人Kiwi面前大爆愛唔着內衣褲入睡，Aka說：「我唔鍾意着內衣褲瞓，但要着好厚嘅衫。（唔鍾意有束縛？）我一定要着長衫長褲瞓，同埋褲頭一定要好緊包住個肚。」她大爆妹妹睡眠小秘密：「佢只係着Top同短到好似底褲嘅短褲瞓。（你爆料？）對唔住呀。」Aka又表示跟妹妹感情要好：「出道訓練時好冇錢，佢擺定啲錢喺床頭叫我去攞，好開心今生有幸有我呢個妹，如果有啲咩都會畀晒佢。」

另外，開到口恨拍拖的Aka表白不會揀幽默男，她說：「有幽默感男仔通常都氹到女仔，我係極度冇安全感嘅人，所以咁耐冇拍拖，情願自己一個人都唔願畀人哋去背叛或傷害，想要啲比較純品、好靜同少少木獨，最緊要專一。（曾經受過傷害？）我諗好多女仔都受過。」