連鎖反應　Bjork自爆被丹麥導演性騷擾

荷里活淫魔Harvey Weinstein爆出性醜聞後，不少女星紛紛現身爆出被性騷擾的經歷，現年51歲的冰島創作歌手Bjork昨日亦於社交網Facebook撰長文爆料！Bjork於文中表示受到近日各地女性現身說法而啟發，決定分享自己與一位丹麥導演的經歷。雖然她未開名，但她僅於2000年拍過一部由丹麥導演拉茲馮特艾爾（Lars Von Trier）執導的電影《天黑黑》（Dancer in the Dark），被指相信就係講拉茲馮特艾爾。

Bjork於文中明言是次拍戲的經歷令她明白到導演性騷擾女星為「行規」：「原來一個導演係可以隨意摸同騷擾佢嘅女演員，而電影製作容許咁嘅，當我重覆拒絕個導演時，佢會悶悶不樂同懲罰我，同佢嘅團隊創造出一個令人覺得我好難相處嘅形象。基於我嘅堅強、我偉大嘅團隊，以及我於演藝世界無野心而無嘢輸，我離開咗（電影），用咗一年時間康復。我曾擔心其他女星同呢個男人合作，個導演完全明白個『遊戲』而我肯定佢之後拍嗰部電影有用上佢同我嘅經歷。」Bjork於文尾表示希望可以結束呢個情況。

拉茲馮特艾爾近年曾拍過《性上癮》（Nymphomaniac），不時現身國際電影節宣傳作品。Bjork曾憑《天黑黑》封康城電影節影后，而拉茲馮特艾爾亦憑此獲最高榮譽「金棕櫚獎」。