馬德鐘對阿仔有信心：如果冇女仔約好渣

藝人馬德鐘出席食肆開幕活動，他透露並沒有投資，只是來為朋友打氣，不過自言愛吃火鍋，而且覺得場內裝潢頗獨特，不排除有合作機會。

一直有投資食店的馬德鐘坦言暫時不會再開新店，因為之前忙拍無綫劇，未有時間打理生意，11月又要返回內地拍劇。問是否要在內地過聖誕及跨年？他說：「跨年就未必喺內地。（囝囝大個唔使你陪？）唔使，唔好煩佢，各有各生活。」

問兒子馬在驤有否拍拖？馬德鐘笑言眼見沒有，又指若有的話，相信兒子會告訴他：「都唔使怕醜，細細個已經會傾呢啲話題。（接唔接受佢咁早拍拖？）佢都唔細，19歲啦！（佢有冇拍過拖？）冇，佢又唔出街、又唔見佢帶人返屋企。（佢仲未拍過拖，你驚唔驚？）唔驚，佢有佢生活。我諗好大關係因為佢大部分時間用嚟練游水，又要讀書，已經佔據咗佢好多時間。（有冇女仔暗戀佢？）冇傾過，不過應該要有，冇就好渣。」