凍齡女神周慧敏接受變老：唔會違反自然

歌手周慧敏（Vivian）作客TVB娛樂新聞台節目《StarTalk》，接受主播許文軒（Edmond）訪問，大談舉行入行三十周年演唱會感受，Vivian笑說：「時間過得太快，30年前嗰陣我諗30年後應該唔會喺呢個圈，本身諗住都咁大年紀，不過現在狀態OK，體力OK，有魄力，就一鼓作氣去做，呢個係福氣，因為唔知幾時有下次。」

Vivian將近50歲，問對凍齡女神或玉女掌門人等稱讚是否有壓力時，她說：「事實上我覺得自己有老，我會接受自己一日一日老，我唔會因爲呢啲稱號而去違反自然，心態健康都好緊要，我一定唔及年青嗰時咁好體力，依家要瞓多啲，唔捱得，我覺得人哋有承擔先吸引，所以我覺得蕭芳芳同汪明荃好有魅力！」

另外，Vivian亦大玩big big channel直播，女神毫不避忌自爆曾於一個電影慶功宴上飲醉酒，要勞煩鄭裕玲照顧她，其後十多天身體不適，她更直言不是每天也會洗頭，女神率真性格表露無遺。