吳彤靠新鮮名貴食材掩飾地獄廚神身份

歌手吳彤出席一個烹飪活動，笑言是懷着極大的勇氣參加，他說：「因為以前試過煮完啲飯朋友唔敢食，結果要叫外賣Pizza！其實我炒蛋啲技術真係唔錯㗎，但今次要整嘅菜式包括焦糖燉蛋同埋黑松露溫泉蛋意粉都有啲難度。」大會亦相當細心，特意安排他與一班烹飪KOL同組，結果不但味道不俗，賣相亦都過到骨！問今次畀自己幾多分？他笑言8分，不過有4分其實係因為有其他KOL幫拖，自己其實真正得4分。

吳彤自爆如果跟對象約會在家裏晚餐時，自己通常都會準備一些好食但唔多需要煮嘅食物，例如巴馬火腿配哈密瓜、煙三文魚配芝士、松露忌廉蘑菇湯等：「呢啲食材雖然比較貴，但只要買到啲新鮮好貨，好快可以準備好，同埋一定唔難食，絕對係掩飾自己係地獄廚神嘅最佳方法。」