湯怡女人30入波波池爭仔

英皇藝人湯怡與吳浩康於尖沙咀出席活動，分別獲頒至強人氣網絡靚人及Live網絡人氣歌手，談到昨天是湯怡30歲生日，她被問男友洪卓立可有求婚？她表示沒有，加上自己還未做好心理準備亦無計劃過，又指以藝人來說，這個時候結婚還早，至於男友可有送禮物？她說：「有呀，不過未送，要過幾日，因為佢話要我喺屋企開門收 （點慶祝？）嗰日我問佢使唔使着靚啲，我都着咗條裙去，點知一開門就見到好大個波波池，啲朋友就喺波波池入面 ，我啲朋友玩嗰陣仲癲過爭仔 !（夠驚喜？）已經好夠啦，若果求婚嘅話，我會更加手足無措 ！」

吳浩康聽到湯怡昨日生日時，就對對方說恭喜發財，笑言自己比湯怡早入行，是她師兄，但亦期待對方盡快派利是，笑指自己喜歡去飲宴。至於自己可有結婚計劃？他表示需要安排，直認女友是結婚對象，但亦有很多細節要照顧，令生活穩定。至於對方可有要求要浪漫求婚過程？他說：「我冇問佢要求呀，驚達成唔到，同埋我一定要搵朋友幫手，因為我個人冇乜創意，製造驚喜畀人通常都會俾人踢爆，需要朋友先完成到！」