鄧萃雯與祖藍「和平分手」：公司太多人

藝人鄧萃雯晚上在灣仔君悅酒店出席頒獎活動。王祖藍近日受訪時透露旗下藝人鄧萃雯將開工作室，鄧萃雯晚上回應說：「係呀，學吓，依家最緊要請個得力助手。（咩形式？）自己經營呢個行業咁多年，好清楚自己要咩，要搵一個人聽我講去幫我實踐。（有咩工作想做？）同祖藍合作已經同佢講，你幫我唔係筍嘢嚟，我依家嘅階段唔係等緊爆紅機會，唔係需要被認可，亦唔係需要好多錢，所以唔係有錢我就會接工作，想做一個有影響力嘅演藝工作者。（工作室喺王祖藍旗下？）唔會，獨立工作室，佢公司太多人，要同太多人溝通我處理唔到，不如精簡啲。（同祖藍合作有冇問題﹖）冇問題，佢好nice，當初佢幫我，都有問佢使唔使簽合約，佢話唔使簽約試吓先。我哋其實合作咗年半，佢公司都未有其他藝人，我係最耐嘅，我係第一個嘗試合作嘅「一姐」，哈哈。」