搞咩？張智霖着囚犯衫　靚靚去「探監」

藝人張智霖（Chilam）近日忙於拍攝新戲，身為廿四孝爸爸嘅佢亦抽空陪仔仔魔童玩滑板，點知仔仔唔小心撞到手腳，媽咪袁詠儀（靚靚）自然心痛，仲「嬲嬲豬」上身鬧爆Chilam添！不過兩夫妻點會有隔夜仇，呢日靚靚孖好友黃佩霞行山，期間仲專程去探班慰勞Chilam。

黃佩霞亦喺微博上載合照，相中見素顏嘅靚靚同黃佩霞以輕便服裝上陣，但Chilam竟然着上犯人裝，三人仲踎低影相，勁貼地喎！黃佩霞留言指：「是探『監』？還是探『班』？從南灣出發，經由衞亦（奕）信越過孖岡山去到赤柱探Chilam…」之不過Chilam好似有小小意見，寫道：「有人行山經過來探監。」唔係不滿啩？唔怕靚靚扭耳仔咩？