好媽媽！官恩娜佗六個幾月胎抱仔四圍玩

歌手官恩娜（Ella）依家佗住第二胎六個幾月，但佢得天獨厚肥肚唔肥身，今日仲好活躍咁帶大仔BéBé G去參加戲劇表演，事後佢喺社交網上載兩母子合照，佢用英文留言，大概話帶囝囝參與第一個戲劇表演，演出後嘅午睡時間，BéBé G係咁同佢講：「媽媽帶我去，媽媽帶我去！」

睇相見到着住連身裙嘅Ella腹部明顯隆起，而囝囝就坐喺一條柱上面，Ella個動作似係想抱起囝囝，不過Ella就留言話囝囝依家對佢嚟講太重，但佢依然好樂意抱個仔去玩，果然係好媽媽！